Լեռնային Ղարաբաղում մենք բախվել ենք սուր հումանիտար ճգնաժամի, որը բացասաբար է ազդել տասնյակ հազարավոր մարդկանց վրա՝ հանգեցնելով զանգվածային արտագաղթի։ Այս մասին ԵԽԽՎ ձմեռային նստաշրջանում իր ելույթի ժամանակ ասել է Կիպրոսի նախագահ Նիկոս Խրիստոդուլիդիսը։
«Անհրաժեշտ է համապատասխան միջոցներ ձեռնարկել մարդասիրական օգնություն տրամադրելու և Լեռնային Ղարաբաղի էթնիկ հայերի իրավիճակը երկարաժամկետ հեռանկարում կարգավորելու համար», – հայտարարել է Կիպրոսի նախագահը։
