Երևանի շախմատի ֆեդերացիան նոր նախագահ ունի
Այսօր՝ հոկտեմբերի 31-ին, տեղի է ունեցել Երևանի շախմատի ֆեդերացիայի արտահերթ համաժողովը․ հայտնում են Երևանի շախմատի ֆեդերացիայից։
«Ֆեդերացիայի անդամները նախապես ծանոթացել էին համաժողովի օրակարգին, որում ընդգրկված էին հիմնական հինգ հարց։
Ներկաները լսեցին զեկույցները հաշվետվությունների մասին։ Այնուհետև նիստին ներկա 33 անդամները միաձայն կողմ քվեարկեցին ֆեդերացիայի նոր նախագահի և նախագահության կազմի օգտին»,- ասված է հաղորդագրության մեջ, որից տեղեկանում ենք, որ ֆեդերացիայի նախագահ է ընտրվել ԱԺ «Քաղաքացիական պայմանագիր» խմբակցության պատգամավոր Սերգեյ Բագրատյանը։
