Ինչպե՞ս է Վանաձորում տեղի ունեցել բեռնատարի և շտապօգնության մեքենայի՝ մահվան ելքով վթարը
Այսօր Վանաձորում վթարի է ենթարկվել շտապօգնության մեքենա, որը միացված շչակով ու փարոսիկներով ծանր վիճակում գտնվող հիվանդ էր տեղափոխում․ հայտնում է Առողջապահության նախարարության Հանրապետական շտապօգնության ծառայությունը։
«Դժբախտաբար, հիվանդը մահացել է հիվանդանոցում։ Վթարի հանգամանքները պարզվում են։
Հորդորում ենք բոլոր վարորդներին. երբ տեսնում եք միացված փարոսիկներով շտապօգնության մեքենա, զիջեք ճանապարհը։ Այդ պահին այն ինչ-որ մեկի կյանքի համար է շտապում»,- ասված է հաղորդագրության մեջ։
