ԵՄ-ն հունվարին կքննարկի Վրաստանի դեմ նոր միջոցառումները՝ ժողովրդավարական նահանջի պատճառով
ԵՄ արտաքին գործերի նախարարները հունվարին «խորքային քննարկում» կանցկացնեն Վրաստանի դեմ նոր միջոցառումների վերաբերյալ, որոնք ուղղված են Թբիլիսիի հետագա ժողովրդավարական նահանջը կանխելուն. Euronews-ի փոխանցմամբ՝ այդ մասին հայտարարել է ԵՄ արտաքին քաղաքականության ղեկավար Կայա Կալլասը։
Նրա հայտարարությունները հնչում են այն ժամանակ, երբ Եվրահանձնաժողովը հրապարակում է թեկնածու երկրների վերաբերյալ իր տարեկան առաջընթացի զեկույցները։ Վրաստանին վերաբերող բաժնում նշվում են ժողովրդավարական հետագա նահանջը, քաղաքացիական հասարակության նոր սահմանափակումները և հիմնարար իրավունքների վիճակի վատթարացումը։
«Վրաստանի կառավարությունն այժմ ժողովրդավարական հետընթացի պատճառով գնում է Եվրամիության հետ բախման։ Սա միանգամայն ակնհայտ է։ Ձեռնարկված քայլերն այժմ սխալ ուղղությամբ են տանում»,- զեկույցներին նվիրված մամուլի ասուլիսում ասել է Կալլասը։
Euronews-ի հարցին, թե արդյոք նա կառաջարկի՞ նոր պատժամիջոցներ Վրաստանի կառավարության դեմ, Կալլասն ասել է, որ դեռ վաղ է դա քննարկելու համար, քանի որ հունվարին նախատեսված քննարկման նպատակն է համաձայնեցնել տարբեր կողմերի դիրքորոշումները։
