Ռուսաստանում Ցեղասպանության նահատակների հիշատակին նվիրված խաչքար է օծվել
Սարատովի հայկական եկեղեցու բակում տեղադրված խաչքարը, որը նվիրված է Հայոց ցեղասպանության սուրբ նահատակների հիշատակին, օծվել է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանի ձեռամբ․ տեղեկանում ենք Ռուսաստանի և Նոր Նախիջևանի հայոց թեմից։
«Արարողությունը խորհրդանշում է Հայոց ցեղասպանության սուրբ նահատակների հիշատակի հավերժացման և նրանց սրբազան հիշատակի հանդեպ հավատարմության կարևորությունը։
Նշենք, որ Սարատովի Սուրբ Աստվածածին հայկական եկեղեցու տարածքում Հայոց ցեղասպանության զոհերի հիշատակին նվիրված խաչքար տեղադրվել էր 2015 թվականին՝ Հայոց ցեղասպանության 100-րդ տարելիցի կապակցությամբ»,- ասված է հաղորդագրությունում։
