Ավագանին կքննարկվի Հայկ Մարությանի, Զարուհի Փոստանջյանի լիազորությունների դադարեցման հարցը

Երկուշաբթի տեղի է ունենալու Երևանի ավագանու արտահերթ նիստ, որի ընթացքում քննարկվելու է Երևանի ավագանու մի քանի անդամների լիազորությունների վաղաժամկետ դադարեցնելու մասին օրակարգը։ Այս մասին տեղեկանում ենք Երևանի քաղաքապետարանի պաշտոնական էջից։ Էջում նշված է, որ քննարկվելու է Նարինե Հայրապետյանի, Հայկ Մարությանի, Սոնա Աղեկյանի, Գևորգ Ստեփանյանի և Զարուհի Փոստանջյանի լիազորությունների վաղաժամկետ դադարեցնելը։ Դրա պատճառների մասին որևէ բան նշված չէ։