Ժամանակակից աշխարհում
մարդու իրավունքների պաշտպանության ոլորտում խորը ճգնաժամն առաջացել է Արևմուտքի գործելաոճի
պատճառով։ Այս մասին հայտարարել է ՌԴ նախագահ Վլադիմիր Պուտինը՝ Մարդու իրավունքների
համընդհանուր հռչակագրի ստորագրման 75-ամյակին նվիրված համաժողովի ժամանակ։
«Հավաքական Արևմուտքը մարդու իրավունքների դոկտրինն օգտագործում է պետությունների ինքնիշխանությունը
ոչնչացնելու և աշխարհում սեփական գերակայությունն ապահովելու նպատակով։ ՄԱԿ-ի Մարդու
իրավունքների խորհուրդը, Եվրոպայի խորհուրդն ի ցույց դրին իրենց կողմնակալությունն
ու առկա խնդիրները լուծելու անկարողությունը»,- ասել է Պուտինը։
ՌԴ նախագահը համոզված է, որ միջզգային հանրությունում արդեն հասունացել է գիտակցումը,
որ արմատական փոփոխություններն այս ոլորտում անխուսափելի անհրաժեշտություն են։
«Անհրաժեշտ է ապահովել մարդու իրավունքների իրացման արդարացի մոտեցում, որը հիմնված
կլինի փոխադարձ հարգանքի վրա և հաշվի կառնի պետությունների մշակութային և պատմական
զարգացման առանձնահատկությունները»,- ընդգծել է Պուտինը։
