44-օրյա պատերազմում զոհված Մխիթար Գալեյանի հայրը՝ Գարիկ Գալեյանը, տեղափոխվել է հիվանդանոց. ABC Media-ին տեղեկացրեց Գալեյանի իրավապաշտպան Վահան Հովհաննիսյանը։
«Առողջական վիճակը նորից վատացել է, տեղափոխել են հիվանդանոց հետազննություն իրականացնելու համար»,-ասաց Հովհաննիսյանը։
Հիշեցնենք, որ Գալեյանին մեղադրանք է առաջադրվել թմրանյութերի իրացման և օգտագործման համար, սակայն իրեն առաջադրված մեղադրանքը նա չի ընդունում։
Որպես խափանման միջոց է ընտրվել տնային կալանքը, նրան անգամ թույլ չեն տալիս այցելել որդու շիրիմին։ Օրեր առաջ Գալեյանի առողջական վիճակը դարձյալ վատացել էր, նրան սրտի ստենդավորում էին արել։
