Warner Bros.-ը հայտարարել է նոր «Մատրիցա» ֆիլմի աշխատանքների մեկնարկի մասին

Warner Bros․ կինոստուդիան հաստատել է «Մատրիցա» հինգերորդ ֆիլմի վրա տարվող աշխատանքի մեկնարկի մասին տեղեկությունը: Ֆիլմի ռեժիսորը Դրյու Գոդարդն է, որը որպես ռեժիսոր և սցենարիստ, աշխատել է«Dedevil հեռուստասերիալում, World War Z և The Martian ֆիլմերում: Վերջինիս սցենարի համար նա արժանացել է Օսկարի անվանակարգի։

«Ֆրանշիզայի» չորրորդ մասի ռեժիսոր Լանա Վաչովսկին հանդես կգա որպես պրոդյուսեր։

Լանա և Լիլի Վաչովսկիները եղել են առաջին 3 ֆիլմերի ռեժիսորներն ու սցենարիստները։

Warner Bros. Motion Pictures պրոդյուսերական ընկերության նախագահ Ջեսի Էրմանը հայտարարել է, որ Դրյուն եկել է Warner Bros. նոր հրաշալի գաղափարներով շարունակելու «Մատրիցայի» ֆիլմաշարը:

Նշենք, որ ֆրանշիզայի առաջին ֆիլմը թողարկվել է 1999 թվականին։ Ֆիլմն իր գոյության ընթացքում ամբողջ աշխարհում վաստակել է 1,8 միլիարդ դոլար։

Դեռևս հայտնի չէ՝ արդյոք նոր ֆիլմի նկարահանումներին կմասնակցեն աստղեր Կիանու Ռիվզն ու Քերի–Էնն Մոսը։