Ինչու՞ են գլոբալիստները պայքարում ավանդական հասարակությունների ու պետությունների դեմ․ գլոբալիստները չունեն կոնկրետ հայրենիք։ Ավելին, գլոբալիստների ճնշող մեծամասնությունն իրենց հայրենիքները թողել ու փախել են օվկիանոսից այն կողմ, գրում է ՀՀԿ Գործադիր մարմնի անդամ Էդուարդ Շարմազանովը։
«Իրենք լքել են իրենց հայրենիքը, չունեն հայրենիք ու ատում են մեզ՝ հայրենիք ունեցողներիս։
Դա է նաև պատճառը, որ գլոբալիստները կատաղի կռիվ են մղում ազգային ու ավանդական հասարակությունների հետ՝ ՌԴ, Չինաստան, Իրան…
Հայաստանում էլ է պայքար ընթանում գլոբալիստ -կոսմոպոլիստների ու ազգային – ավանդական արժեքների կրողների միջեւ։ Բայց աշխարհը վաղուց արդեն միաբևեռ չէ։
Եթե ուզում ենք՝ Հայաստան մնա, պետք է հակադրվել գլոբալիստ-կոսմոպոլիստներին ու դաշնակցել ավանդական արժեքներ դավանող՝ ՌԴ-ի, Իրանի ու Չինաստանի հետ։ Հեռանկարային է նաև Հնդկաստանի հետ կապերի զարգացումը, բայց դա շատ ավելի համակողմանի ու լուրջ ուսումնասիրություն է պահանջում։
Մի բան ակնհայտ է. Հնդկաստանը Հայաստանում ակտիվապում է։ Ոչինչ պատահական չէ՝ ո՛չ տասնյակ հազարներով հնդիկների գաղթը, ոչ էլ՝ հարուստ հնդկական հարսանիքը։ Ակնհայտ է, որ աշխարհաքաղաքական կենտրոնների «դաբրոյով» Հայաստանը դառնում է նաեւ Հնդկաստանի կենսական շահերի գոտի։
Մնում է վերլուծել ու հասկանալ՝ դա մեզ՝ ՀՀ-ին ձեռնտո՞ւ է, թե՞ ոչ», – գրել է Շարմազանովը։