Վրաստանի նախագահ Սալոմե Զուրաբիշվիլին նախազգուշացրել է, որ ինքը կօգտագործի վետոյի իրավունքը, եթե խորհրդարանը բոլոր երեք ընթերցումներով ընդունի «օտարերկրյա գործակալների մասին» օրինագիծը։ Այս մասին նա ասել է BBC հեռուստաալիքի հետ զրույցում։
«Ես վետո կդնեմ այս օրենքի վրա, ինչպես անում եմ բոլոր այն օրենքների հետ, որոնք հակասում են Եվրամիության ռազմավարությանը»,- ընդգծել է Զուրաբիշվիլին։
Միևնույն ժամանակ, Զուրաբիշվիլին վստահ է, որ խորհրդարանական մեծամասնությունը կհաղթահարի իր վետոն: Չնայած դրան, նախագահը կարծում է, որ վետոն պետք է կիրառել, որպեսզի «ժողովրդի ձայնը լսելի լինի»։
