ԵԱՀԿ նախագահը կայցելի Ադրբեջան․ օրակարգում ԵԱՀԿ տարածաշրջանում հակամարտությունների կարգավորման հարցն է

ԵԱՀԿ գործող նախագահ, Մալթայի Հանրապետության արտաքին գործերի, եվրոպական հարցերի և առևտրի նախարար Յան Բորգը մայիսի 14-ին կայցելի Ադրբեջան, նշվել է ԵԱՀԿ-ի կայքում հրապարակված հայտարարությունում։ Նախատեսված են հանդիպումներ Ադրբեջանի բարձրաստիճան պաշտոնյաների հետ։

Այցը կկենտրոնանա Ադրբեջանում ԵԱՀԿ-ի ներգրավվածության վրա։ Կընդգծվի կազմակերպության շարունակական աջակցությունը երկարաժամկետ, կայուն խաղաղության առաջխաղացման և ԵԱՀԿ տարածաշրջանում հակամարտությունների կարգավորման հարցերում: