Գազայի հիվանդանոցներում
տիրող իրավիճակը թույլ չի տալիս տարհանում իրականացնել։ Բուժառուներից շատերը չեն կարող
տեղաշարժվել, իսկ փախստականները գնալու տեղ չունեն։ Այս մասին ՌԻԱ Նովոստի գործակալության
հետ զրույցում ասել է Կարմիր խաչի միջազգային կոմիտեի ներկայացուցիչ Ալյոնա Սինենկոն։
«Երբ խնդրում են տարհանել հիվանդանոցները, ոչ բոլորը կարող են հեռանալ, նույնիսկ եթե
տարհանման նախազգուշացումներ տրվեն: Վիրավորները, հիվանդները, տարեցները, հիվանդանոցային
մահճակալին գամվածները, նրանք չեն կարող պարզապես շարժվել: Միջազգային մարդասիրական
իրավունքը պահանջում է ոչ միայն հստակ ու ժամանակին նախազգուշացումներ, այլև մարդկանց
հեռանալու ապահով ճանապարհի առկայություն: Ներկայումս Գազայում հիվանդանոցների, այդ
թվում՝ հիվանդանոցային մահճակալների, հիվանդների, կենսական անհրաժեշտության համակարգերի
տարհանումը գործնականում անհնար է, և պետք է հնարավոր ամեն ինչ անել բուժհաստատությունները
պաշտպանելու համար», – ասել է Սինենկոն։
Ավելի վաղ պաղեստինյան Կարմիր մահիկի կազմակերպությունը հայտարարել էր, որ Գազայում
գտնվող Ալ-Քուդս հիվանդանոցի ղեկավարությունը նախազգուշացում է ստացել իսրայելցի զինվորականներից
բուժհաստատությանը հարվածներ հասցնելու մտադրության մասին։
Հիվանդանոցում այս պահին կա 400 բուժառու և Գազայի մոտ
12 հազար բնակիչ, որոնք ապաստանել են հիվանդանոցում ռմբակոծություններից պաշտպանվելու
համար։
