Արցախի տեղեկատվական շտաբը հայտարարություն է տարածել՝ անդրադառնալով լուրերին, թե մինչև վերջին պատերազմն Արցախի կառավարությունը բնակարաններ
ու գույք է գնել։
«Զանգվածային որոշ լրատվամիջոցներով ու սոցիալական ցանցերում տարածվող
կեղծ տեղեկությունները, թե իբր սեպտեմբերի 19-ի ռազմական գործողություններից հետո Արցախի
Հանրապետության կառավարությունը տարբեր քաղաքացիներից գնել է բնակարաններ կամ գույք,
տրամադրել փոխառություններ կամ կանխիկ գումարներ, իրականությանը չի համապատասխանում:
Հորդորում ենք նման տեղեկությունների տիրապետող քաղաքացիներին դիմել
ՀՀ իրավապահ մարմիններին, ներկայացնել հանցագործության մասին համապատասխան հաղորդումներ»,-հայտնել
են շտաբից՝ նշելով, որ մի շարք այլ հարցերի նախագահ Սամվել Շահրամանյանն առաջիկայում
կանդրադառնա հրապարակային իր խոսքում:
