Փոթորիկը ավելի քան 3,5 միլիոն ամերիկացու թողել է առանց էլեկտրաէներգիայի

Ավելի քան 3,5 միլիոն սպառող՝ ԱՄՆ-ում մնացել է առանց էլեկտրականության «Հելեն» փոթորկի պատճառով․ հայտնում է NBC News-ը։

«Միացյալ Նահանգների հարավ-արևելյան ենթակառուցվածքին հասցված ահռելի վնասն ավելի պարզ է դարձել առավոտյան. էլեկտրաէներգիայի ավելի քան 3,5 միլիոն բաժանորդ մնացել է առանց հոսանքի», – նշել է հեռուստաալիքը։

Ֆլորիդա, Ջորջիա և Հարավային Կարոլինա նահանգներում առանց էլեկտրականության են մնացել ավելի քան մեկ միլիոն սպառող, իսկ Հյուսիսային Կարոլինայում՝ ավելի քան 400 հազար։