Ցեղասպանագետի քննադատության թիրախում Փաշինյանի հայտարարություններն են

Հայոց ցեղասպանության միջազգային ճանաչման հարցը Հայաստանի արտաքին քաղաքական օրակարգից դուրս թողնելու մասին Նիկոլ Փաշինյանի հայտարարությունները նոր քննարկումներ են առաջացրել։ Ի՞նչ նշանակություն ուներ միջազգային ճանաչման գործընթացը Հայաստանի համար, և ի՞նչ դեր էր այն խաղում Հայաստանի ու Սփյուռքի միջև կապի պահպանման գործում։

Արդյո՞ք ճանաչման հարցը միայն Հայաստանի պատմական պահանջն էր, թե՞ այն նաև հնարավորություն էր տալիս այլ պետություններին՝ սեփական քաղաքական և ազգային շահերից ելնելով, բարձրաձայնել Հայոց ցեղասպանության հարցը և կոչ անել Թուրքիային ընդունել պատմական պատասխանատվությունը։