Իսպանիայում ջրհեղեղի զոհերի թիվը գերազանցել է 90-ը

Իսպանիայի հարավ-արևելքում` Վալենսիայում ջրհեղեղի հետևանքով զոհերի թիվը հասել է 95-ի։ Այս մասին հայտնում է BBC-ին։

92 մարդ մահացել է Վալենսիայում, 2-ը՝ Կաստիլիա Լա Մանչայում և ևս մեկ անձ՝ Անդալուզիայում։

Մեծ թվով մարդիկ համարվում են անհետ կորած։ Որոնողափրկարարական աշխատանքները շարունակվում են։

Ավելի վաղ հայտնել էինք, որ ՀՀ ԱԳՆ-ի վերջին տեղեկություններով՝ տուժածների շրջանում ՀՀ քաղաքացիներ, հայեր չկան։

Իսպանիայի կառավարությունը եռօրյա սուգ է հայտարարել, իսկ տարածաշրջանում շարունակում է պահպանվել վտանգի կարմիր մակարդակը։