Գյումրի-Մոսկվա չվերթը սպասարկող ինքնաթիռը տագնապի ազդանշան տալուց հետո վայրէջք է կատարել Մախաչկալայում (թարմացվող)

15.03 «Պոբեդա» ավիաընկերության ինքնաթիռը հարկադիր վայրէջք է կատարել Մախաչկալայի օդանավակայանում, քանի որ խցիկի հերմետիկության խախտման մասին ազդանշանային համակարգը սխալմամբ գործարկվել է.  հայտնում է ՌԴ Քննչական կոմիտեն։

14.19 Մախաչկալայում վայրէջք կատարած Գյումրի-Մոսկվա չվերթն իրականացնող ինքնաթիռն ավելի ուշ կմեկնի Մոսկվա․ ABC Media-ին տեղեկացրին Քաղավիացիայի կոմիտեից։

Ըստ կոմիտեի՝ Մախաչկալայում վայրէջքը տեխնիկական պատճառներով է եղել։

13.56 Գյումրիից Մոսկվա թռչող «Պոբեդա» ավիաընկերության ինքնաթիռը վայրէջք է կատարել Մախաչկալայում. հայտնում է ТАСС-ը՝ ավիաընկերությանը հղումով։

13.43 Գյումրի-Մոսկվա չվերթը սպասարկող ինքնաթիռը տագնապի ազդանշան է տվել․ ինչպես տեղեկացնում է TACC-ը, միջադեպը տեղի է ունեցել Դաղստանի տարածքում։

Ինքնաթիռը պատրաստվում է վայրէջք կատարել Մախաչկալայի օդանավակայանում։

SHOT-ի տվյալներով՝ Boeing 737-800 ինքնաթիռից փոխանցվել է 7700 արտակարգ կոդը, երբ այն գտնվել է Դաղստանի երկնքում։