Իսպանիայի հաղթանակի տոնակատարության ժամանակ 13-ամյա տղա է մահացել
Աշխարհի առաջնությունում Իսպանիայի հաղթանակի տոնակատարությունը Սյուդադ Ռոդրիգոյում (Սալամանկա) ավարտվել է ողբերգությամբ․ 13-ամյա տղա է մահացել։
Երկրպագուները բարձրացել են շատրվանի վրա, ինչի փլուզման հետևանքով ևս 3 մարդ ծանր վիրավորվել է։
Եզրափակիչ սուլիչից և Իսպանիայի հաղթանակից հետո հարյուր հազարավոր երկրպագուներ դուրս են եկել փողոցներ՝ հաղթանակը նշելու համար։ Սյուդադ Ռոդրիգոյում հիմնական հավաքատեղիներից մեկը Արբոլ Գորդո շատրվանն է եղել։
Տոնակատարությունների գագաթնակետին շատրվանի վերին մասը փլուզվել է և ընկել կառույցի վրա գտնվող մի քանի մարդկանց վրա։ Նրանց թվում է եղել նաև 13-ամյա երեխան, ում տեղափոխել են Սյուդադ Ռոդրիգոյի առողջապահական կենտրոնում, որտեղ նա ավելի ուշ մահացել է։
Առաջին տեղեկությունների համաձայն՝ մահացածից բացի, վիրավորվել է առնվազն երկու մարդ, որոնցից մեկը կոտրել է ոտքը։ Փլուզման տարածքը շրջափակվել է և մնում է հսկողության տակ, մինչև վթարի հանգամանքները պարզվեն։ Մահացած անչափահասի ընտանիքին աջակցություն ցուցաբերելու համար ակտիվացել է նաև «Աղետների և արտակարգ իրավիճակների հոգեբանական միջամտության խումբը»։
