Ամերիկացի դիվանագետները կայցելեն Դամասկոս

Ամերիկացի դիվանագետները կայցելեն Դամասկոս. տեղեկացնում է Financial Times-ը՝ վկայակոչելով իր աղբյուրները։ Ենթադրվում է, որ Սիրիա կայցելի ԱՄՆ Պետքարտուղարության բարձրաստիճան պաշտոնյա։

«Առաջիկա օրերին պատվիրակությունը կգլխավորի Մերձավոր Արևելքի հարցերով պետքարտուղարի օգնական Բարբարա Լիֆը։ Հանդիպումը կլինի ԱՄՆ-ի և Հայաթ Թահրիր ալ-Շամի միջև առաջին պաշտոնական անձնական շփումը»,-ասել է աղբյուրը։

Վերջին ավելի քան մեկ տասնամյակի ընթացքում սա ամերիկացի դիվանագետների առաջին պաշտոնական այցն է Դամասկոս։