Շոլցն առաջարկել է Գերմանիայում արտակարգ դրություն հայտարարել
Գերմանիայի կանցլեր Օլաֆ Շոլցը Բունդեսթագին կոչ է արել արտակարգ դրություն հայտարարել՝ հաշվի առնելով Ուկրաինայի վերաբերյալ ԱՄՆ նախագահ Դոնալդ Թրամփի հայտարարությունները։ Այս հայտարարությունը նա հրապարակել է X-ի իր միկրոբլոգում:
«Այսօր մենք պետք է առերեսվենք այն իրականությանը, թե ինչ են նշանակում ԱՄՆ կառավարության գործողություններն ու հայտարարությունները Ուկրաինայի, Եվրոպայի և ամբողջ աշխարհի համար»,- ասել է նա։
Քաղաքական գործչի կարծիքով՝ անգործությունը կնշանակի վտանգել Գերմանիան։
Այդ կապակցությամբ Շոլցը Բունդեսթագին առաջարկել է դիտարկել արտակարգ դրություն հայտարարելու հնարավորությունը՝ կառավարության կանխիկ պահուստներին հասանելիություն ստանալու համար։ Այս դեպքում երկիրը կկարողանա աջակցություն ցուցաբերել Կիևին, մինչդեռ պետական գործունեության մյուս ոլորտները ֆինանսապես չեն խախտվի։
