Մարդիկ վերադառնալու իրավունք ունեն, որի համար պետք է պայքարել․ թուրք պատմաբանը՝ Արցախ վերադարձի մասին
Մարդիկ վերադառնալու իրավունք ունեն, որի համար պետք է պայքարեն։ Այսօր «Ցեղասպան պետության ակունքները» գրքի շնորհանդեսի ժամանակ ասաց թուրք պատմաբան Թաներ Աքչամը։ Նա Արցախում տեղի ունեցածը ոճիր կոչեց։
«Ես աջակցում եմ, որ Արցախի ժողովուրդը կարողանա իրացնել իր իրավունքները։ Մեծ հույսեր չեմ փայփայում այդ հարցում, քանի որ դա հիշեցնում են Ցեղասպանությունից հետո իրենց իրավունքները վերագտնել փորձող հայերի դեպքերը, հիշեցնում է նաև բազմաթիվ այն պաղեստինցիներին, որոնք ցանկանում են վերադառնալ իրենց երկիր։ Ամենակարևորը, որ պետք է նշեմ, մարդու վերադառնալու իրավունքն է, որի համար պետք է պայքարել»,- ասել է Աքչամը։
