Շվեդ էկոակտիվիստը մեղադրում է Իսրայելին առևանգման համար

Շվեդ էկոակտիվիստ Գրետա Թունբերգի նավը, որը ուղևորվում էր դեպի Գազայի հատված, ուղևորվում է դեպի Իսրայելի ափեր․ բոլոր ուղևորները կուղարկվեն տուն․ հայտարարել է Իսրայելի Արտաքին գործերի նախարարությունը։

Իսրայելի Արտաքին գործերի նախարարությունը մեղադրել է Թունբերգին սադրանք կազմակերպելու փորձի մեջ, սակայն նշել է, որ նավի վրա գտնվող մարդասիրական օգնությունը կուղարկվի Գազայի հատված՝ իրական մարդասիրական ուղիներով։

Իր հայտարարության մեջ Թունբերգը մեղադրել է Իսրայելին և նրա դաշնակից ուժերին՝ իրեն առևանգելու մեջ և կոչ է արել ճնշում գործադրել Շվեդիայի կառավարության վրա՝ իր ազատ արձակումն ապահովելու համար։

Երկուշաբթի երեկոյան ավելի վաղ Reuters-ը հայտնել էր, որ իսրայելական զորքերը բարձրացել են Madeleine նավը, որով Թունբերգը և այլ կամավորներ ուղևորվում էին դեպի Գազայի հատված, և նավի հետ կապը կորել է։

Madeleine նավը, որի վրա գտնվում են Թունբերգը, իռլանդացի դերասան Լիամ Քանինգհեմը, որը հայտնի է «Գահերի խաղը» սերիալում իր դերով, և մոտ տասը այլ պաղեստինամետ ակտիվիստներ, Եգիպտոսից ուղևորվում էր դեպի Գազայի հատված։ Ակտիվիստներն իրենք հայտարարել են, որ ուղևորվում են անկլավ՝ մարդասիրական առաքելությամբ։