Հավաք՝ հաջակցություն Կաթողիկոսի.  քաղաքացիները հավաքվել են «Զվարթնոց» օդանավակայանում

Բազմաթիվ քաղաքացիներ հավաքվել են «Զվարթնոց» օդանավակայանում, որպեսզի դիմավորեն Կաթողիկոսին։ Օդանավակայում են նաև հասարակական, քաղաքական գործիչներ, հոգևորականներ։

ABC Media-ի հետ զրույցում «Հայրենիք» կուսակցության ղեկավար Արթուր Վանեցյանն ասել է, որ այս իշխանությունը քանդում է մեր պետության հիմքերը, իսկ եկեղեցին պետության հիմնասյուներից է։

«Եկեղեցու դեմ արշավով Փաշինյանն իրեն դիրքավորում է աշխարհաքաղաքական կենտրոնների ընկալման մեջ»,- ABC Media-ի հետ զրույցում այսպիսի կարծիք է քաղաքագետ Հրանտ Մելիք-Շահնազարյանը։ Քաղաքագետի խոսքով՝ եթե հետևենք, թե ինչ ընթացք ունի Արևմուտք-Ռուսաստան հակամարտությունն արժեքների տիրույթում, կտեսնենք, որ եկեղեցին, ավանդական արժեքները ռուսական քաղաքականության առաջնորդող գործոններից են։ Այս քայլով Փաշինյանն իր աջակցությունն է հայտնում աշխարհաքաղաքական իր հովանավորներին։

«Հայաստան» խմբակցության ղեկավար Սեյրան Օհանյանն էլ ABC Media-ի հետ զրույցում նշել է, որ Ադրբեջանի հարվածները մեզ այնքան չեն կարող պառակտել, որքան ներսի հարվածները»

Հիշեցնենք, որ «Հայրենիք» կուսակցության ղեկավար Արթուր Վանեցյանը կոչ էր արել գիշերը հավաքվել «Զվարթնոց» օդանավակայանում և դիմավորել Ամենայն Հայոց կաթողիկոսին։