Մկրտիչ սրբազանի գտնվելու վայրը թաքցնում են. փաստաբան
Արագածոտնի թեմի 5 հոգևորականի և Մկրտիչ սրբազանին բերման են ենթարկել նրանց բնակարանները խուզարկելուց հետո. Ֆեյսբուքյան իր էջում գրել է փաստաբան Արա Զոհրաբյանը:
«Մկրտիչ սրբազանի գտնվելու վայրը հայտնի չէ, քննչական կոմիտեն տեղեկություն չի հայտնում, իսկ քննչական խմբի ղեկավարն ասում է տեղյակ չեմ, թե ուր է: Սա Մկրտիչ սրբազանի (ավազանի անունը Հայկ Պռոշյան) իրավունքի կոպիտ խախտում է:
Պետական մարմնի այս վարքագիծն առերևույթ համապատասխանում է Քրեական օենսգրքի 451 հոդվածին (բռնի անհետացումը)»,-գրել է փաստաբանը:
Զոհրաբյանը հիշեցրել է՝ բռնի անհետացումը՝ պետության կողմից տրված լիազորությամբ, պետության աջակցությամբ, համաձայնությամբ կամ թողտվությամբ գործող պաշտոնատար անձի, այլ անձի կամ մի խումբ անձանց կողմից ազատությունից օրինական հիմքերով կամ ապօրինի զրկված անձի ազատությունից զրկելու փաստը ժխտելը կամ թաքցնելը կամ նրա կարգավիճակի կամ գտնվելու վայրի մասին տեղեկությունը թաքցնելը, որի հետևանքով անհետացած անձը հայտնվում է օրենքի պաշտպանությունից դուրս՝ պատժվում է ազատազրկմամբ՝ երեքից յոթ տարի ժամկետով:
Փաստաբանը տեղեկացրել է, որ բերման են ենթարկվել քահանաներ Տեր Փառենը, Տեր Մանուկը Տեր Հայկը, Տեր Մկրտիչը, Տեր Ղևոնդը, նաև Արագոծոտնի թեմի աշխարհիկ աշխատակիցներ։
