Եվրասիական տնտեսական միության (ԵԱՏՄ) և Եգիպտոսի միջև ազատ առևտրի մասին համաձայնագրի նախագիծը գտնվում է պատրաստվածության բարձր մակարդակում:
Ասել է ՌԴ ԱԳՆ տնտեսական համագործակցության դեպարտամենտի տնօրեն Դմիտրի Բիրիչևսկին։
«Այս պահին կարելի է ասել, որ ազատ առևտրի մասին համաձայնագրի նախագիծը պատրաստվածության բարձր մակարդակում է, բոլոր կողմերը տրամադրված են ավարտին հասցնել բանակցային գործընթացը», – ասել է նա։
Բիրիչևսկին նշել է, որ նման համաձայնագրերի վրա աշխատանքը պահանջում է համալիր և մանրակրկիտ մոտեցում, քանի որ շոշափում է միանգամից վեց երկրի առևտրատնտեսական շահերը, այդ թվում` եվրասիական հնգյակի:
Հիշեցնենք` դեկտեմբերի վերջին Ռուսաստանի նախագահ Վլադիմիր Պուտինը հայտարարեց, որ Եվրասիական տնտեսական միության և Եգիպտոսի միջև ազատ առևտրի մասին համաձայնագրի գործընթացը բավականին առաջ է գնացել։
