Կայացել է Փաշինյան-Պուտին հանդիպումը
Բիշկեքում տեղի է ունեցել Փաշինյան-Պուտին հանդիպում, այն տևել է մոտ մեկ ժամ։
Հանդիպման մեծ մասն անցել է փակ դռների հետևում։ Բաց հատվածում քննարկվել է Հայաստանի՝ ԵՄ-ին միանալու մտադրությունը։
Հանդիպման ընթացքում Փաշինյանն ասել է, որ Հայաստանը հրաժարվում է ԵՄ-ին անդամակցելու վերաբերյալ հանրաքվե անցկացնելու գաղափարից։ Նա ընդգծել է, որ Հայաստանը ուսումնասիրել է իրավական բազան և որևէ խախտում չի հայտնաբերել ԵՄ-ի անդամակցության մտադրության մասին օրենքի ընդունմամբ՝ ոչ Ռուսաստանի, ոչ էլ ԵԱՏՄ-ի նկատմամբ։
«Ռուսաստանը միշտ հանդես է գալիս Հայաստանի հետ բարեկամական և փոխշահավետ հարաբերությունների զարգացման օգտին, ինչը համապատասխանում է երկու երկրների ժողովուրդների հիմնարար շահերին», – ասել է Պուտինը։
Հանդիպման ավարտից հետո Փաշինյանը տեսանյութ է հրապարակել, որտեղ խոսել է հանդիպման մասին․ «Շատ լավ հանդիպում ունեցա Ռուսաստանի Դաշնության նախագահ Վլադիմիր Պուտինի հետ և պայմանավորվեցինք անկեղծ և կառուցողական խոսակցությունը շարունակել Մոսկվա կատարելիք իմ առաջիկա այցի ընթացքում»։
