Խաղաղությունը Հարավային Կովկասում թեմայով քննարկում է տեղի ունեցել ԱՄՆ փոխպետքարտուղարի և Թուրքիայի ԱԳ փոխնախարարի միջև
Վաշինգտոնում հանդիպել են Միացյալ Նահանգների փոխպետքարտուղար Քուրթ Քեմփբելը և Թուրքիայի արտգործնախարարի տեղակալ Բուրաք Աքչափարը և քննարկել հարցեր, որոնք վերաբերում են խաղաղությանը՝ Հարավային Կովկասում: Տեղեկացնում է հաղորդում է ԱՄՆ Պետդեպարտամենտի խոսնակ Մեթյու Միլլերը:
«Քեմփբելը և Աքչափարը քննարկել են «տարածաշրջանային և համաշխարհային առաջնահերթությունների շուրջ ԱՄՆ-Թուրքիա ռազմավարական համագործակցության հետագա ընդլայնման հարցերը», Կենտրոնական Ասիայում տնտեսական համագործակցությունը և «Ասիայում ու դրանից դուրս համատեղ աշխատելու այլ հնարավորությունները»,-ասել է Միլլերը:
Քուրթ Քեմփբելը մի ամիս առաջ է նշանակվել ԱՄՆ պետքարտուղար: Նրա պաշտոնական կենսագրության համաձայն՝ 67-ամյա դիվանագետը երիտասարդ տարիներին, ուսանողների փոխանակման ծրագրի շրջանակներում, որոշ ժամանակ ուսանել է Խորհրդային Հայաստանում՝ Երևանի պետական համալսարանում երաժշտություն և քաղաքական փիլիսոփայություն ուսումնասիրելով։ Նախօրեին ԱՄՆ մայրաքաղաքում հայ-ադրբեջանական հարաբերությունների կարգավորման գործընթացը քննարկել էին Թուրքիայի արտգործնախարարը և Սպիտակ տան ազգային անվտանգության հարցերով խորհրդական Ջեյք Սալիվանը:
Երկու օր առաջ էլ Թուրքիայի արտգործնախարար Հաքան Ֆիդանի գլխավորած պատվիրակությունն է մեկնել Վաշինգտոն, քննարկելու Գազայի և Ուկրաինայի պատերազմները, թուրք-ամերիկյան ռազմական և էներգետիկ համագործակցության հարցեր։
Երեկ տեղի է ունեցել նաև ԱՄՆ պետքարտուղար Էնթոնի Բլինքենի և Թուրքիայի արտգործնախարարի հանդիպումը:
