«Քայլող դիակ». Մեդվեդեւն այսպես է գնահատել ԱՄՆ հեռացող նախագահի արդյունքները
«Անէություն հեռացող քայլող դիակ Բայդենի օրինակով կարելի է հետևել, թե ինչպես փորձառու և ընդհանուր առմամբ ոչ հիմար քաղաքական գործիչը (իսկ նա շատ փորձառու է, բարձր պաշտոններ է զբաղեցրել դեռևս խորհրդային տարիներին) աստիճանաբար վերածվեց իրականությունից կտրված զառամախտով հիվանդ ծերուկի»,- գրել է Մեդվեդևը իր Telegram-ում։
Ըստ Մեդվեդևի, երբ ինքը շփվել է Բայդենի հետ, «նա դեռևս թուլամտություն չի ունեցել»։
«Այն, ինչ այն ժամանակ արդեն ուշադրություն էր գրավում, անառողջ հետաքրքրությունն էր Ուկրաինայի նկատմամբ, թեև նա դա ինձ բացատրեց որպես Օբամայի հանձնարարություն։
Աստիճանաբար հանձնարարությունը վերածվեց իդեա ֆիքսի: Այս հրաշալի փոխակերպման մեջ իրենց դերը խաղացին քաղաքական խոշոր սխալները, սովորական կոռուպցիան և պարզապես իրավիճակի վատ վերլուծությունը՝ պատմությունից անտեղյակությունը և «ուկրաինականության» էությունը չհասկանալը: Եվ ինչ-որ պահի ծերուկը սանձերն արձակեց, ըստ էության, պատերազմ հրահրելով հավաքական Արևմուտքի և Ռուսաստանի միջև, որը քիչ էր մնում վերածվեր միջուկային հակամարտության ՆԱՏՕ-ի հետ»,- գրել է նա:
Ըստ Ռուսաստանի Անվտանգության խորհրդի ղեկավարի տեղակալի, վերջին ժամանակներս Բայդենը «ակնհայտորեն մինչև վերջ չէր հասկանում, թե ինչ է կատարվում»։
«Այո, պետք է խոստովանել, որ նման պատերազմը տնտեսական առումով շահավետ է ԱՄՆ-ի համար։ Բայց քաղաքական ծախսերը և ճակատագրական հակամարտության իրական սպառնալիքը շատ ավելի լուրջ են։ Իսկ այ դրան ծերուկը պատրաստ չէր։ Սա այն դեպքն է, երբ աշխարհի խոշորագույն տերության ղեկավարն ամբողջովին գլուխ չհանեց իրավիճակից։ Արդյունքում դեմոկրատները տապալվեցին ընտրություններում։ Եթե Բայդենի խնդիրը նրա ոչ ադեկվատ լինելն է, ապա նրա վարչակազմի մեղքն այն է, որ ռուսաստանյան ուղու վրա նա գիտակցաբար շատ ծանր ճգնաժամային ժառանգություն թողեց իր իրավահաջորդներին: Բայդենի որոշումների վնասարար հետևանքները դեռ երկար կշարունակեն դրսևորվել։ Եվ, հետևաբար, չափազանց դժվար կլինի շփվելը: Ռուս-ամերիկյան հարաբերությունների ամբողջական կարգավորումը տասնամյակներ կպահանջի։
Թեև, իմ կարծիքով, ներկա իրականության մեջ դա սկզբունքորեն անհնար է։ Եվ միանգամայն անկեղծ, պարզ չէ, արդյո՞ք դա, ընդհանրապես, պետք է…»,- նշել է Մեդվեդևը։
