Ռուսաստանն ու ԱՄՆ-ը փորձագիտական խմբեր կստեղծեն Ուկրաինայում հակամարտության կարգավորման համար

Ուկրաինական կարգավորմանը հասնելու ուղղությամբ աշխատելու համար ստեղծվում են ռուսական և ամերիկյան փորձագիտական ​​խմբեր. գրում է РИА Новости գործակալությունը՝ հղում տալով Կրեմլի մամուլի ծառայությանը։

«Առաջնորդները հաստատել են իրենց մտադրությունը՝ շարունակել ջանքերը երկկողմ ռեժիմով ուկրաինական կարգավորմանը հասնելու համար, այդ թվում՝ հաշվի առնելով ԱՄՆ նախագահի վերոնշյալ առաջարկները։ Այդ նպատակով ստեղծվում են ռուս և ամերիկյան փորձագիտական ​​խմբեր»,- ասվում է երկու երկրների ղեկավարների զրույցի արդյունքներով հրապարակված հաղորդագրության մեջ։