03 Ապր
2025
19.4° c ԵՐԵՎԱՆ
19.3° c ՍՏԵՓԱՆԱԿԵՐՏ
ABCMEDIA
Խաղաղության պայմանագրի տեքստը համաձայնեցված է, բայց Ադրբեջանն այլ պայմաններ ունի. Ալիև

Խաղաղության պայմանագրի տեքստը համաձայնեցված է, բայց Ադրբեջանն այլ պայմաններ ունի. Ալիև

Մինչ օրս խաղաղության պայմանագրի տեքստը լիովին համաձայնեցված է և բաղկացած է 17 պարբերությունից, Ադրբեջանն այստեղ լրացուցիչ պայմաններ չի առաջադրում. հայտարարել է  Ադրբեջանի նախագահ Իլհամ Ալիևը։

«Մեր պայմանները Հայաստանին հայտնի են և նոր չեն։ Այս պայմանները մենք վաղուց ենք առաջ քաշել, բայց Հայաստանից

դեռևս որևէ լուրջ արձագանք չենք ստացել։ Ինչի՞ց են դրանք բաղկացած: Նախ պետք է վերացնել ԵԱՀԿ Մինսկի խումբը»,– ասել է Իլհամ Ալիևը Գերմանիայի նախագահ Ֆրանկ-Վալտեր Շտայնմայերի հետ մամուլի ասուլիսում։

Նրա խոսքով՝ երկրորդ հարցը Հայաստանի Սահմանադրությունն է: Այն հղում է պարունակում Հայաստանի անկախության ակտին, որը Սահմանադրության անբաժանելի մասն է, և այնտեղ դրույթ կա «Ադրբեջանի օրինական, պատմական տարածքը Հայաստանին միացնելու մասին»:  Սա տարածքային պահանջ է մեր դեմ։

«Դրա հեռացումը մեր լեգիտիմ պահանջն է։ Այդ երկու պահանջների կատարումից հետո ոչ մի խնդիր չի առաջանա խաղաղության պայմանագրի ստորագրման համար։ Ինչպես ասում են՝ գնդակը Հայաստանի դաշտում է: Եթե Հայաստանն իսկապես ուզում է խաղաղության պայմանագիր ստորագրել, ապա պետք է ընդունի Ադրբեջանի այս երկու օրինական պայմանները»,- ասել է Ալիևը։

Ռազմագերիներ