Վենեսուելայում վիրավոր և անհետ կորած հայեր կան․ Կիլիկիայի կաթողիկոսարան
Այսօր ամբողջ օրն Արամ Ա. Վեհափառ Հայրապետը մշտական կապի մեջ է եղել Վենեսուելայի հայ համայնքի հոգևոր տեսուչ Գերշ. Տ. Պետրոս եպս. Մանուէլյանի հետ, հետևել է Վենեսուելայում տեղի ունեցած երկրաշարժի հետևանքներին, տեղեկացել հայ համայնքի կրած վնասներին․ տեղեկացնում է Կիլիկիայի կաթողիկոսարանը։
«Սրբազան հոր փոխանցած տեղեկությամբ՝ նյութական և մարդկային վնասները բազմաթիվ են։ Մարդիկ դեռ վախի ու անորոշության մեջ են։
Երկրաշարժի հետևանքով, ցավոք, երկու հայ ընտանիքի տուն է ավերվել։ Կան նաև մի քանի վիրավոր և անհետ կորած հայեր»,- ասված է հաղորդագրությունում։
