Տեղյակ չէի, որ ինձ դատի են տվել․ Վազգեն Սաղաթելյանը ABCmedia-ին պատմել է իր դեմ ներկայացված հայցի մասին
Մամուլում շրջանառվել էր տեղեկություն, թե ՔՊ-ական պատգամավոր Արուսյակ Մանավազյանը դատի է տվել «Իմնեմնիմի» փոդքասթի համահեղինակ Վազգեն Սաղաթելյանին և պահանջում է 1 մլն դրամ։ Սաղաթելյանը ABCmedia-ի հետ զրույցում ասել է, որ տեղյակ չէր հայցից։
«Անկախ նրանից, թե Արուսյակ Մանավազյանը, կամ որևէ այլ ՔՊ-ական քանի անգամ և ո՞ր դատարան կդիմեն, ավելին` անկախ նրանից, թե ինչ կորոշի դատարանը, նրանք այլևս վաղուց չունեն արժանապատվություն կամ պատիվ։ Սա նրանց համար էլ է զուտ ֆիկտիվ պրոցես։ Նրանք նաև փորձում են ֆինանսական խնդիրներ առաջացնել ինձ համար»,- մեզ հետ զրույցում ասաց Սաղաթելյանը։
