Ադրբեջանն ու Հայաստանը խաղաղության համաձայնագիր կստորագրեն. Reuters
Ադրբեջանն ու Հայաստանը խաղաղության համաձայնագիր կստորագրեն ուրբաթ օրը. հայտնում է Reuters գործակալությունը` հղում տալով Սպիտակ տան հայտարարությանը։
«Խոսքը միայն Հայաստանի մասին չէ և միայն Ադրբեջանի մասին չէ։ Խոսքը ամբողջ տարածաշրջանի մասին է, և նրանք գիտեն, որ այդ տարածաշրջանը հայտնի է որպես ավելի անվտանգ և բարգավաճող նախագահ Թրամփի օրոք», – ասել է վարչակազմի բարձրաստիճան պաշտոնյան։
Սպիտակ տան մամուլի խոսնակ Աննա Քելլին լրագրողների հետ զրույցում ասել է, որ Թրամփը համաձայնագրեր կստորագրի ինչպես Հայաստանի, այնպես էլ Ադրբեջանի հետ՝ էներգետիկայի, տեխնոլոգիաների, տնտեսական համագործակցության, սահմանային անվտանգության, ենթակառուցվածքների և առևտրի վերաբերյալ. այլ մանրամասներ չեն հաղորդվում։
