Նիկոլ Փաշինյանը հեռախոսով խոսել է Վլադիմիր Պուտինի հետ
Տեղի է ունեցել վարչապետ Նիկոլ Փաշինյանի հեռախոսազրույցը Ռուսաստանի Դաշնության նախագահ Վլադիմիր Պուտինի հետ. հայտնում է ՀՀ վարչապետի մամուլի խոսնակը:
Ըստ պաշտոնական հաղորդագրության՝ վարչապետը ՌԴ նախագահին ներկայացրել է օգոստոսի 8-ին Վաշիգնտոնում տեղի ունեցած բանակցությունների արդյունքները, մասնավորապես՝ «Հայաստանի և Ադրբեջանի միջև խաղաղության և միջպետական հարաբերությունների մասին համաձայնագրի» նախաստորագրումը, ԵԱՀԿ ՄԽ մեխանիզմները լուծարելու մասին ԵԱՀԿ-ին ուղղված համատեղ դիմումը, տարածաշրջանային կոմունիկացիաների ապաշրջափակումը երկրների տարածքային ամբողջականության, ինքնիշխանության, իրավազորության սկզբունքների շրջանակում և փոխադարձության հիման վրա, ինչպես նաև «Թրամփի ուղի՝ հանուն միջազգային խաղաղության և բարգավաճման» նախագիծը։
ՌԴ նախագահը պատրաստակամություն է հայտնել նպաստելու հայ-ադրբեջանական հարաբերությունների կարգավորմանը:
Վլադիմիր Պուտինը ներկայացրել է Նիկոլ Փաշինյանին Ուիթքոֆի հետ զրույցի հիմնական արդյունքները և Ալյասկայում Թրամփի հետ հանդիպման նախապատրաստական աշխատանքները. փոխանցում է TACC գործակալությունը:
Կողմերը նաև անդրադարձել են երկկողմ օրակարգի որոշ հարցերի՝ շեշտը դնելով ԵԱՏՄ շրջանակներում առևտրի և ներդրումային համագործակցության և փոխգործակցության հետագա զարգացման վրա։
