«Փոխի’ր ալիքը, Աբրահամ Գասպարյանի հետ» հաղորդաշարի հերթական թողարկման ընթացքում Genesis Armenia ուղեղային կենտրոն/հիմնադրամի հիմնադիր տնօրեն, քաղաքագետ Աբրահամ Գասպարյանն խոսել է Հայաստանում Փարիզի անվտանգային ներկայության բարձրացման հնարավորության, ֆրանսիական զենքը՝ տնտեսական ու անվտանգայիմ ազդեցության վերածելու քաղաքականության, Մոսկվայի ավանդական աթոռը փարիզյանով փոխարինելու կամ փոխլրացնելու հավանականության և Միսաք Մանուշյանի և նրա կնոջ աճյունները փառահեղ տեղափոխելու քաղաքական մեսիջների մասին։
«Սրտաճմլիկ, հուզառատ արարողություններ, առինքնող հպարտություն։ Վերցրեք Աճառյանի բառարանն ու ամենաշքեղ, զգլխիչ և ճաճանչափայլ բառերով բնութագրեք Միսաք Մանուշյանի վերահուղարկավորման արարողությունը, մեկ է, առավոտյան որ սթափվենք, կհասկանանք, որ այդ ամբողջը քող էր՝ մի քանի օր առաջ Մյունխենում՝ եվրոպական միջնորդությամբ կայացած Փաշինյան-Ալիև-Շուլց հանդիպման, որտեղ, ամենայն հավանականությամբ, Փաշինյանը գնաց հերթական զիջման՝ գերմանական քավորությամբ»,- ասել Գասպարյանը
Քաղաքագետի խոսքով՝ ընդդիմությունը պարտավոր է նստել սեղանի շուրջ, վեր կանգնել ամբիցիաներից, իջնել երկնքից, հաստատել, որ անփոխարինելի չէ, ընդունել սխալ հաշվարկելու և զանգվածների էմոցիան փոշիացնելու իր պատասխանատվությունը, հայտարարե՛լ այդ մասին, ոչ թե կիսաքամահրական էժան ոճով ասել՝ խոսափողն ազատ է, ով ուզում է թող գա։ Ընդդիմությունը պիտի փոխի խաղացողներին, ֆինանսական ու ցանցային բոլոր ռեսուրսները պիտի դնի սեղանին և ազնիվ կռիվ տա Հայաստանի համար։
Մանրամասները՝ տեսանյութում։
