Մեր հայ գործընկերներն ակնհայտորեն ընկել են արևմտամետերի թակարդը, որոնք նրանց ներդրումներ, տեխնոլոգիաներ և լուսավոր ապագա են խոստանում։ Այս մոտեցումը նրանց կողմից արդեն բազմիցս կիրառվել է հետխորհրդային տարածքում։ Եվ մենք բոլորս հիանալի գիտենք և տեսնում ենք, թե ինչ ստացվեց դրանից. այս մասին հայտարարել է ՌԴ ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը՝ խոսելով Եվրամիության և ՆԱՏՕ-ի հետ ավելի սերտ համագործակցությանն ուղղված ՀՀ քայլերի մասին։
«Պետք է հասկանալ, որ արտատարածաշրջանային ուժերն ի վիճակի չեն օբյեկտիվորեն լուծել այն տարածաշրջանների հարցերը, որոնց սահմաններում ուղղակիորեն գոյություն չունեն, և նրանց հիմնական նպատակը Ռուսաստանի հետ համագործակցության մեջ սեպ խրելն է։
Եվրասիական տնտեսական միությունը փաստեր են, իրականություն, ներկա առավելություններ և ձեռքբերումներ։ Հուսով ենք, որ պրագմատիզմը և ողջախոհությունը մեզ թույլ չեն տա հրաժարվել դրանից՝ հանուն երկարաժամկետ հեռանկարում անորոշության։
Ի վերջո, համեմատեք Հայաստանի ապրանքաշրջանառության օբյեկտիվ ցուցանիշները ԵԱՏՄ երկրների և արտատարածաշրջանային խաղացողների հետ, և ինչպես ցանկացած անաչառ դիտորդ, ամեն ինչ պետք է պարզ դառնա ձեզ համար»,-ասել է նա։
