ԱՄՆ-ը չի ճանաչում Թայվանի անկախությունը և հավատարիմ է «մեկ Չինաստան» սկզբունքին։ Այս մասին Չինաստանի արտգործնախարար Վան Յիի հետ բանակցությունների ժամանակ հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը․ տեղեկացնում է Չինաստանի ԱԳՆ կայքը։
«Սալիվանն ասել է, որ Միացյալ Նահանգները հավատարիմ է «մեկ Չինաստան» քաղաքականությանը և չի աջակցում «Թայվանի անկախություն», «երկու Չինաստան» կամ «մեկ Չինաստան, մեկ Թայվան» սկզբունքներին»,- ասվում է Չինաստանի ԱԳՆ հայտարարության մեջ։
