Welt am Sonntag թերթին տված հարցազրույցում ՆԱՏՕ-ի գլխավոր քարտուղար Յենս Ստոլտենբերգը հրաժարվել է ընդունել, որ Ուկրաինան Դաշինքի հետ նախապես համակարգել է Կուրսկի շրջանում իրականացված հարձակումը, թեև Ռուսաստանը բազմիցս հայտարարել է, որ դա իրականացվել է ՆԱՏՕ-ի և արևմտյան հետախուզական ծառայությունների մասնակցությամբ։
«Ուկրաինան ՆԱՏՕ-ի հետ նախապես չի համակարգել Կուրսկի շրջանի վրա հարձակումը, որի ընթացքում խաղաղ բնակիչներ են զոհվել։ ՆԱՏՕ-ն այս հարցում որևէ դեր չի խաղացել», – ընդգծել է Ստոլտենբերգը։
Ավելի վաղ Ռուսաստանի նախագահի օգնական Նիկոլայ Պատրուշևը հայտարարել էր, թե առանց ՆԱՏՕ-ի և Արևմուտքի աջակցության և անմիջական ներգրավվածության, Կիևը չէր համարձակվի ներթափանցել Ռուսաստանի տարածք։
