Ավստրիայի «Ազատություն» կուսակցության առաջնորդ Հերբերտ Քիքլը ողջունել է «նոր դարաշրջանը» այն բանից հետո, երբ ընտրությունների նախնական արդյունքները ցույց տվեցին, որ FPÖ-ն դարձել է առաջին ծայրահեղ աջ կուսակցությունը, որը հաղթել է երկրի խորհրդարանական ընտրություններում Երկրորդ համաշխարհային պատերազմից հետո:
Թեև FPÖ-ի հաղթանակը մատնանշում է ողջ Եվրոպայում նկատվող միտումը, ընտրողները հակված են հակամիգրացիոն, պոպուլիստական կուսակցություններին: Այդուամենայնիվ, կուսակցությունը, դժվար թե, կոալիցիոն կառավարություն ձևավորի, ինչպես պահանջվում է Ավստրիայի օրենսդրությամբ: Դա պայմանավորված է նրանով որ մյուս բոլոր կուսակցությունները բացառել են FPÖ-ի հետ կոալիցիա կազմելը, բացառությամբ կանցլեր Կարլ Նեհամերի հեռացող պահպանողական Ժողովրդական կուսակցության (ÖVP): Ըստ արդյունքների՝ FPÖ-ն ստացել է ձայների 28,8%-ը, իսկ ÖVP-ն երկրորդն է` 26,3%-ով:
