Հարավային Լիբանանում՝ իրենց դիրքերում են շարունակում մնալ ՄԱԿ-ի ժամանակավոր ուժերը (UNIFIL), հակառակ Իսրայելի բանակի՝ մի շարք բնակավայրերից տեղափոխվելու խորհուրդներին. այս մասին հայտարարել է խաղաղապահ ուժերի պաշտոնական ներկայացուցիչ Անդրեա Տենենտին։
Ավելի վաղ մի շարք ԶԼՄ-ներ հայտնել էին, որ իսրայելական կողմը խաղաղապահ ուժերին խորհուրդ է տվել վերատեղակայվել Հարավային Լիբանանի որոշ դիրքերից:
«Խաղաղապահները մնում են բոլոր դիրքերում, և ՄԱԿ-ի դրոշը շարունակում է ծածանվել։ Մենք պարբերաբար շտկում ենք մեր գործողությունները, և արտակարգ իրավիճակի համար գործողությունների ծրագիր ունենք։ Մենք կօգտագործենք այն, եթե անհրաժեշտություն առաջանա»,-ասել է Տենենտին:
Հիշեցնենք՝ Իսրայելի ռազմաօդային ուժերը վերսկսել են հրթիռակոծությունը. ինքնաթիռները մոտ 20 հարված են հասցրել Բեյրութի միջազգային օդանավակայանին հարող Լեյլյաքի թաղամասին։
