Ֆուտբոլի ԱԱ 2026-ի ընտրական փուլ․ հայտնի են Հայաստանի հավաքականի մրցակիցները

Դեկտեմբերի 13-ին Ցյուրիխում կայացավ 2026 թվականի աշխարհի առաջնության եվրոպական գոտու ընտրական մրցաշարի վիճակահանությունը։ Վիճակահանության արդյունքներով կազմվեց 12 խումբ:

Հայաստանի ազգային հավաքականը ընդգրկված է F խմբում, որտեղ  մեր թիմի մրցակիցներն են լինելու Հունգարիայի, Իռլանդիայի հավաքականները, ինչպես նաև Ազգերի Լիգայի փլեյ-օֆֆ փուլում Պորտուգալիա-Դանիա դիմակայության հաղթող թիմը։

ՈւԵՖԱ-ի ընտրական խմբային փուլը կսկսվի 2025 թվականի մարտին և կավարտվի նույն թվականի նոյեմբերին։

Աշխարհի առաջնության ուղիղ ուղեգիր կնվաճեն միայն առաջին տեղը զբաղեցրած թիմերը։ Երկրորդ տեղերը կխաղան փլեյ-օֆֆում: 2025 թվականի մարտի 21-22-ը կկայանան 5 թիմերից բաղկացած խմբերում ընտրական առաջին հանդիպումները։