Զեղծարարություն՝ «Հայփոստ»-ի անունից․ հայտարարություն
Վերջին շրջանում «Հայփոստ»-ը ստացել է մի շարք ահազանգեր այն մասին, որ զեղծարարները կրկին փորձում են շահարկել ընկերության անունը․ հայտնում է «Հայփոստ» ընկերությունը։
«Ֆեյսբուքում ստեղծվել է «Կորած փաթեթ» անվանումով կեղծ էջ, որը Հայփոստի տարբերանշանով (լոգո) տարածում է հայտարարություն՝ իբր հաճախորդների կորած ծանրոցները վաճառվում են 799 դրամով։
Հայփոստը երբեք չի վաճառում կորած ծանրոցները։
Հարգելի հաճախորդներ, հորդորում ենք չվստահել նման կեղծ էջերին և խաբեություններից խուսափելու համար տեղեկությունները ստանալ միայն Հայփոստի պաշտոնական աղբյուրներից»,-ասված է հայտարարության մեջ։
