Միգրանտները գրավել են Ֆրանսիան․ Թրամփը կոչ է արել արագ փակել սահմանները
ԱՄՆ նախագահ Դոնալդ Թրամփը հայտարարել է, որ Ֆրանսիայում տեղի ունեցած զանգվածային անկարգությունները ցույց են տալիս, որ ներգաղթի իրավիճակը դուրս է վերահսկողությունից։
Նա կոչ է արել փակել սահմաններն անօրինական ներգաղթյալների համար։
«Միգրանտները գրավել են Ֆրանսիան։ Նրանք (իշխանությունները) պետք է արագ փակեն սահմանները», - գրել է ամերիկացի առաջնորդը Truth Social սոցիալական ցանցում։
Նրա խոսքերը հնչել են շաբաթավերջին Ֆրանսիայում տեղի ունեցած զանգվածային անկարգությունների ֆոնին։ Հոկտեմբերի 17-ին Ֆրանսիայում տեղի են ունեցել համազգային բողոքի ցույցեր, որոնցում առաջատար դեր են խաղացել ձախակողմյան արհմիությունները։ Մասնակիցների թվում են եղել միջնակարգ դպրոցների և համալսարանների ուսանողական կազմակերպություններ, ինչպես նաև «դեղին բաճկոնների շարժման» ներկայացուցիչներ։
Ցույցերի հիմնական պահանջներից մեկը կտրուկ աճող կենսամակարդակի խնդրի լուծումն է։ Նրանք նաև պահանջում են վառելիքի և առաջին անհրաժեշտության ապրանքների գների իջեցում։
Ֆրանսիայի առևտրի և փոքր ու միջին բիզնեսի նախարար Սերժ Պապենը հայտարարել է, որ բողոքի ցույցերի ժամանակ վանդալիզմի հետևանքով վնասվել է 3.000 խանութ։
