Չենք կարող յուրաքանչյուրի տան մոտ մի ոստիկան կանգնեցնել․ Արփինե Սարգսյանը՝ Մերձավանի դեպքի մասին
ՀՀ Ներքին գործերի նախարարության համար տարբերություն չկա՝ գործ ունենք ընդդիմադի՞ր, թե՞ իշխանական գործչի հետ․ սա հստակ է․ ԱԺ–ում ասել է ՆԳ նախարար Արփինե Սարգսյանը։
«Մենք չենք կարող յուրաքանչյուր տան մոտ մի ոստիկան կանգնեցնել և տարիներ շարունակ այդ ոստիկանին պահել այնտեղ։ Ես առաջին պահից եղել եմ Վաղարշապատի ոստիկանության բաժնում, որպեսզի գործընթացը իրականացվի այնպես, որ մենք արագ ունենանք դեպքի ամբողջական բացահայտումը»,– նշել է նախարարը՝ խոսելով Մերձավանի դեպքի մասին։
Նախարարի խոսքով՝ դեպքը տեղի է ունեցել փետրվարյան իրադարձությունների շարունակության շրջանակում։ Քրեական վարույթներով կան հստակ ապացույցներ, որոնք հիմնավորում են կատարված հանցագործության մոտիվը։
