Հայաստանի ո՞ր վայրերն են ամենից շատ այցելել զբոսաշրջիկները 2025-ին
Այս տարվա հունվար-հունիս ժամանակահատվածում զբոսաշրջային օպերատորների/գործակալների կազմակերպած տուրերի շրջանակում ՀՀ այցելած զբոսաշրջիկների համար ամենապահանջվածը եղել է Գառնի-Գեղարդ ուղղությունը. Facebook-ի իր էջում գրել է ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը։
Ըստ վիճակագրական կոմիտեի տվյալների` տարվա առաջին 6 ամիսներիn Գառնու տաճար և Գեղարդի վանք այցելել է 16.537 միջազգային զբոսաշրջիկ:
Երկրորդ տեղում Դիլիջանն է՝ 9.480 մարդ, երրորդ տեղում երևանյան շրջայցերն են՝ 9.174 մարդ:
Ըստ այցելության վայրերի առաջին տասնյակը ունի հետևյալ տեսքը.
- Գառնի-Գեղարդ՝ 16.537 մարդ,
- Դիլիջան՝ 9.480 մարդ,
- Երևանյան շրջայցեր՝ 9.174 մարդ,
- Սևան՝ 8.931 մարդ,
- Էջմիածին-Զվարթնոց՝ 7.318 մարդ,
- Խոր Վիրապ՝ 7.287 մարդ,
- Արենի՝ 6.015 մարդ,
- Ծաղկաձոր՝ 5.412 մարդ,
- Նորավանք՝ 5.399 մարդ,
- Տաթև՝ 4.664 մարդ:
Ամենից քիչ թվով զբոսաշրջային այցելություններ արձանագրել են Օշականը (806 մարդ) և Ենոքավանը (452 մարդ):
Նշեմ, որ խոսքը վերաբերում է միայն տուրօպերատորների կազմակերպված այցելություններին և ներառում է տարվա առաջին կեսը:
Դատողություններ անելու համար այս ինֆորմացիան, իհարկե, բավարար չէ, բայց կարծում եմ՝ հետաքրքիր»,- նշել է պատգամավորը։
