Իշխանության նպատակը ոչ միայն Նարեկին ու Վազգենին լռեցնելն է, այլև լրատվականի գործունեությունը կասեցնելը․ Մամիջանյան
Փաշինյանական արդարադատությունը այլախոհների և այլակարծության հանդեպ շատ արագ է, ինչը չես կարող ասել հանցագործների հանդեպ․ խորհրդարանական ճեպազրույցի ժամանակ ասաց «Պատիվ ունեմ» խմբակցության ղեկավար Հայկ Մամիջանյանը։
«Դատարանն ապօրինաբար, քաղաքական ճնշումների համատեքստում, 2 ամսով կալանավորեց «Անտիֆեյք» լրատվական ծառայության «Իմնեմնիմի» հաղորդաշարի հեղինակներ Նարեկ Սամսոնյանին և Վազգեն Սաղաթելյանին։ Նրանք արդեն իսկ գտնվում են ՔԿՀ-ում»,- նշեց պագամավորը։
Մամիջանյանը նշեց, որ Դավիթ Ֆիդանյանը, ով լրատվական ծառայության աշխատակից է, երեկ ձերբակալվել է, իսկ այսօր առավոտյան ձերբակալվել է նույն լրատվականի աշխատակից Իշխան Խոսրովյանը։
«Առգրավվել է «Անտիֆեյք»-ի ամբողջ գույքը։ Նպատակը ոչ միայն Վազգենին և Նարեկին լռեցնելն էր, այլ նաև լրատվականի գործունեությունը կասեցնելը»,- ասաց Հայկ Մամիջանյանը։
