Իրանը փոխհատուցում է պահանջում արաբական հինգ երկրից
Թեհրանը փոխհատուցում է պահանջել հինգ արաբական պետություններից՝ մեղադրելով նրանց Իսլամական Հանրապետության դեմ Իսրայելի և ԱՄՆ-ի հետ ռազմական գործողություններում համագործակցության մեջ․ հայտնում է իրանական Tasnim լրատվական գործակալությունը։
«Բահրեյնը, Հորդանանը, Քաթարը, Արաբական Միացյալ Էմիրությունները և Սաուդյան Արաբիան պարտավոր են լիովին փոխհատուցել Իրանին իրենց անօրինական գործողությունների հետևանքով պատճառված նյութական և բարոյական վնասները»,- հայտարարել է ՄԱԿ-ում Իրանի մշտական ներկայացուցիչ Ամիր Սաիդ Իրավանին։
Իրավանիի խոսքով՝ Թեհրանը կարծում է, որ վերոնշյալ պետությունները, խախտելով Իսլամական Հանրապետության նկատմամբ իրենց միջազգային պարտավորությունները, դարձել են Իսրայելի և Միացյալ Նահանգների մեղսակիցները Իրանի հետ ռազմական բախման մեջ։
