Արմեն Գրիգորյանը Հունաստանում Հաջիևի հետ քննարկման կմասնակցի
Վաղը՝ ապրիլի 22-ին, ԱԽ քարտուղար Արմեն Գրիգորյանը Հունաստանի Դելֆի քաղաքում կմասնակցի Դելֆի «Դելֆի տնտեսական ֆորում»-ին․ տեղեկացնում են Անվտանգության խորհրդի քարտուղարի գրասենյակից։
«Ֆորումի շրջանակում Արմեն Գրիգորյանը Հունաստանի Հանրապետության վարչապետի ազգային անվտանգության հարցերով խորհրդական Թանոս Դոկոսի, Ադրբեջանի Հանրապետության նախագահի օգնական Հիքմաթ Հաջիևի և Մոլդովայի Հանրապետության նախագահի ազգային անվտանգության խորհրդական Ստանիսլավ Սեկրիերուի հետ կմասնակցի «Ռազմավարական բաժանարար գծեր. Հակամարտությունների կառավարում և դիմակայունության ձևավորում Եվրոպայի արևելյան հարևանությամբ» խորագիրը կրող պանելային քննարկմանը»- ասված է հաղորդագրությունում:
