20 տարի անց․ տեղի է ունեցել «Սատանան կրում է Պրադա 2» ֆիլմի պրեմիերան (լուսանկարներ)
Նյու Յորքում տեղի է ունեցել «Սատանան կրում է Պրադա 2» ֆիլմի համաշխարհային պրեմիերան․ գրում է Deadline-ը։
Lincoln Center համալիրում կարմիր գորգի վրայով անցել են Մերիլ Սթրիփը, Էնն Հեթուեյը, Էմիլի Բլանտը և Սթենլի Տուչին։
Միջոցառմանն ուշադրության կենտրոնում Միրանդա Փրիսթլիին մարմնավորած Մերիլ Սթրիփն էր․ 76-ամյա դերասանուհին կարմիր գորգի վրայով անցել է Givenchy-ի 2026 թվականի աշնանային հավաքածուի տպավորիչ կարմիր թիկնոցով: Կերպարն ամբողջացվել է սև կաշվե ձեռնոցներով, Stuart Weitzman-ի սև կոշիկներով և David Yurman-ի զարդերով։
Երկար սպասված նյույորքյան պրեմիերային նախորդել էր ֆիլմի համաշխարհային շրջագայությունը՝ Մեխիկոյից մինչև Տոկիո և Շանհայ։
Դեյվիդ Ֆրանկելի «Սատանան կրում է Պրադա 2» ֆիլմը կինոթատրոններում կցուցադրվի մայիսի 1-ից:
